QENEWATÎ GEMO: Silav bo te… Gulên Sor bo te Ehmedê Huseynî

Amûdê nizanîbû ko mindalê hildikişiya darên reza,

Da ko goşiyên Tirî bidize,

Yê ko li ser Girê Şermola xwas dilîst,

Dê helbestvanê me be..!

Beyrûtê nizanîbû

ko karkerê Firnê yê ko nane germ dida destê

xort û qîzan

de helbestvanê me be..!

Şamê û xwendevanên Kurd yên ko

Li taxen hawirdora Şamê diman, nizanîbûn

dê Helbestvanê me be..!

Ne Swêd, ne darên wê ,

yên ko xwe bi Berfa spî dixemilandin,

nizanîbûn

dê Helbestvanê me be..!

Ne welatên Europayê,

ne bajarên ko riya wî bi wan diket, weke mevanekî bi siyek tenik di dilan de cihê xwe digirt,

Dizanîbûn ko dê  helbestvanê me be..!

) Weke Ko wî em dixapandin)

Ew bi dû xewn û armanca xwe de bû..

Ko helbesteke kurdî ya nû binivîsîne, bingeheke nû jê re deyne,

Weke miletên din, ên ko helbesta xwe li pes xistin,

bê ko bide şopa wan,

Helbestek  bi rihê Stran û Sirûdan 

nivîsand ko bibe Stûnek kesk û sor û zer di

kultûra Kurdî de..

Silav bo te … Gulên Sor bo te Ehmed Huseynî….

Em û tu , emê zora dijwariyê bibin..

Qenewatî Gemo

12/8/2023

Bad Salzuflen