Ardilan Abdo :Ji Pirtûka ( GAVA MIRÎ DIMIRIN )

Xaçirêkên di navbera vir û wir de

Çend xwezî li ser sînga xewnên me

Dirêjmayî man

Çend keser bi diranên rojan em cûtin

Çend bêrîkirin me berbi darvekirinê birin

Û tenêtiyê bi laperûşkên

xwe êrîşî henasên me dikir.

Tirsa navê te di kalana xincerê de, min veşartî hişt

Peykerên ji fermezkan hatin çêkirin di vî gewdê nîvmirî de

Ezê hemû cûreyên dadmendiyên gerdûnê

Bi ser sergoya hişê zemînê de, bavêjim

Û ezê xwe radestî pazvanên kenê te bikim

Di salûla xwe de,

Kenê te li ser dilê rojê nîgar dikim

Û pizrûkên wan, bi ser nosîna şevê de birijînim

Li vir

Ji hişê miradiyê xwe dikevim

Tu jî di himêza min de,

Nema bi ser xwe ve vedibî

Tu li wir windaye

Ez jî li vir ji hiş ketime.

Ardilan Abdo-finland