Pêşeroj Cewherî : Dil û çemê ferat

Dilê min wek çemê ferat

Ji xeman bê sebr û tebat

Derizî ji ber vîna te

Merizî ji bêdîtna te

    Dilê min bû çemê ferat

Ne av û mehîna bê zîn

Ne yara bêbext û evîn

Dildar ji kula nemirin

Jîna bêrûmet nekirin

      Dilê min bû çemê ferat

Zindana min çavê te ne

Lê şensê min ji te tine

Eger hêlînek min  heye

Nav birh û mijangê te ye

   Dilê min bû çemê ferat

Çiqas bibêje bêzarim

Birîndarê destê yarim

Her wek navê xwe kedere

Dilbera xem bê mehdere

    Dilê min bû çemê ferat

Kedera bi min re meyî

Ewrê reşî nabe sayî

Keçê bikurt û kurmancî

Were bese bê war û cî

   Dilê min bû çemê ferat

Were hevala dilê min

Bad û peyala kulê min

Pezçêrê zozanê te me

Herdem hizirvanê te me

   Dilê min bû çemê ferat

Pêşeroj Cewherî

8/11/2023