Ji bexçeyê helbestvan Enwer Sofî : NEZANÎ Û  NEXWEŞÎ

NEZANÎ

Ev jîn jîna çeqela ye

Her dibê: ev bira ye

Lê qala wan bi seda ye

Hemî ji boyî pera ye

Herdem li nava riya ye

Gotin  : ev kurê axa ye

Gotinên wan yên şêxa ne

Dilê xwe de wek ziha ye

Hozan û raman nema ye

Ev ne gotinê mela ye

Şêx û mela tim zana ye

Gotinên wan tim buha ye

Xwe yê keser û kula ye

Kul di dilê wan de ma ye

Jîn bi xwendin û zana ye

Ne yê xeşîm û hirça ye

Ev ne welatê kera ye

Waré bavê me kurda ye

Hemî çîman û giya ye

Tev ronahî û çira ye

NEXWEŞÎ

Ez ketim bi nexweşî

Jiyan li min bû teşî

Pelê gula min weşî

Cihan her nebû reşî

Ez come de dil geşî

 Ji boyî bibit xweşî

Min rakirin cem Diktor

Divê bimînim bi dor

Min meyze kir rengê şor

Digote min : tu wî kor

Hestiyê te reş û sor

Rabin wî hildine jor

Bîrek dikir qore qor

Hestî dibirî bizor

Pêre çûye hemî por

Serê min bû tore bor

Min nekire hore hor

Ezim kurê Lor û Cor