XALID OMER: BISTIRÊ

Ey şiva destê jiyanê

bêje dara sindiyanê

xeyidîne ji buharan

elesên bayê beyanê

ka şevîn û kanî bade

ka meya merzonî sade

heye dîsa bicivin em

ji zebad der bê zebade

Wey li min kolanê vala

nayê dengê ti hevala

dûr û dûr çûn mase ya min

şevnişînên wan peyala

Cewşen û ceng û cirîd e

roj di dêrana girî de

 Kes nema digrî bi min re

koç û kerwan çûne kwîde

 ax û sed axîn welato

çib me hat û çib te hato

hestiyê mêran didêre

bê hedan û bê tebato

 Felekê ber ay û aye

xweh birîn e êş bira ye

Terqiyan çûk û kewê me

Dav li pêşya çi veda ye

ka siwarên ku peya bûn

tev di deryan de nimabûn

em ne nokal kevira ket

lê pelên badîhewabûn

Ey dilo vêxe şemalê

rê bide xewn û xeyalê

Da bibînim her kesê ku

Dûr ji mal ketye li malê

bistirê ber çem û ava

heyv sitêr tev çûne ava

moriyên hêvyên me weşyan

Navbera deryaw delava

Kovara Rojava: Hejmara 1ê, zivistana sala 2019ê