Helbestvan Anahîta Sîno : Lingê pîroz

Çima hûn matmayî mane ?

Çima hûn hêsirên xwînê li ser dêmên êşdar dibarînin ?

Ma çi bûye ?

Lingek û jêbû !

Tenê nema li dû pinpinîkan direvim

Tenê nema destê min dighê keskesorê

Tenê nema kenê min dibe heyv û di asîmanê dilê dayika min de diçirise

Tenê bavê min wê rondikên xwe yên wekî xençeran daqurtîne her ku zarokekê bi du lingan bibîne

Tenê wê gavên min muhra hovîtiyê li ser zemîna mirovahiyê biçîne

Do bû hîn kenê min gavên min dipîvand

Û îro

Firokê lingê min bi xwe re bir û kenê min vemirand

Ma çiqwas do xweş bû

Ji min re gotin lingê te çû asîmanan ji bo ewrek seqet pê bimeşe û baranê bi ser

Wijdanên zuha

Dilên qirêj

Sincên gemarî bibarîne

Ji min re gotin lingê te çû cem Xwedê ji bo bibe şahdê welatekî birîndar

Welatekî penaber

Welatekî wenda

Welatkî ku dilê dayikek şewitî tê de bûye sembol

Ji min re gotin lingê te çû binê deryayê

Li xwenên koçberan digere

Li hêviyên bûk û zavayên bê mirad digere

Li hinavê ku bû ye teştê û şîva Hûtan digere

Lingê te bû ye hevalê Îlan

Li wijdanê cîhanê digere

Jêder:

xelat.org

Show More

Leave a Reply

Your email address will not be published. Required fields are marked *