Enwer Sofî : ZAROKÊ SÛRÎ

Guh bidine nalînan

Li qêrîna zarokan

Li lêlîna dayika

Rondikê bav û kaln

Dengê wan giha esman

Belav bû hemî cîhan

Rondikê wan dibaran

Li ser wan çav û lêva

Pir zehmet bûye jiyan

Nema ye hiş û sewdan

Wa Sûrî bûye meydan

Ya rovî û çeqelan

Şewtandin bax û bistan

Wêrandin mal û mewdan

Nema çiya û zozan

Ne mizgevt û ne dêran

Dîmoqrasiya gelan

Bûye kaniya xeman

Zarok mane li kolan

Ew firotin bi erzan

Bê dergeh û bê dîwan

Hemî bûne perîşan

Berê xwe dan e Elman

Can dan di nava deryan

Janê avête dilan

Ji rêka kul û xeman

Dijmin xwe dikin misilman

Çi Toranî çi Îran

Hin bûn feyleq Elrehman

Hin bûn feyleqê Sultan

Ji hev dû nabin cidan

Bûn çeteyê Erdoxan