EHMEDÊ XURSÎ: BARÎN

Esmera min a

Xwînşêrîn,

keça min a ji Têlîzeyneban bedewtir tu yî,

Xwişka min a ji hinguvê nanikan Şêrîntir tu yî,

Dêya min jî, kurman pêsîrên wê xwarin ew jî tu yî,

Hela di rûyê min de

Bigirnije,

Bimizice,

Bila  xwêzîya Xweda

di gewrîya wî de ziwa bibe,

xwedawenda qeşingîyê yî tu,

bedewa bê hempa yî tu,

cêryên te ne

hemî perîyên buhiştan

cêryên te ne,

Belqisên kotîyên Sulêmanan,

Zuleyxayên nemêrê ha

zenûbyayên hemî serdem û bîyabanan,

Sara Xel’l cêrya te ye,

Kilyopatra,

Monalîzên hemû serkidûmên welatên rojava,

Eştar tu yî,

Sadrîmos jî nîvkuştî ma,

Leyla Qasim bû,

ji wan heye ku kuştin; wa ye cardin tu yî,

Heyv tu yî

Roj,

Behrem,

Bercîs,

û her neh kewkebên din,

Gerdûnê cêrya te ye,

Gulên berberojkê hêvîyên min in,

û Kurdistan tu yî

KOVARA ROJAVA. HEJMAR(0). SALA 2018ê