BERHEMHELBEST

Demhat Dêrikî: Peyvên kêm

Li peyvekê digerim

da çolbeyara dilê

min

bi rengê gulan

bixemlîne

lê nabînim,

ji bilî wê peyvê

barana peyvan

bi ser min de dibare;

peyvên hev biçûk

dikin

peyvên hev kor dikin

peyvên kefenê

mirinê ji hev re

didirûn

peyvên gora hev

dikolin

peyvên hev dikujin

peyvên xwe dikujin

peyvên ji bo şahiya

gorên çar aliyan jînê

bi mij dikin

pêşbaziya hev dikin

lê peyvên;

dil yek e

evîn yek e yar yek e

birîn yek e

êş yek e

derd welat e

ez nabînim!

21.12.2020

Show More

Babetên peywendîdar

Close