Demhat Dêrik: Wê Makqanûnê Nas Nakim

Ger ew peyv û hevokên bi navê

xala yekê û duyê…

ne kulilik bin li ser hinarkên zarokan

û ne şahî barîn bin ji çavê wan

ez wê makqanûnê nas nakim

ez serhildêrim

dilraperînim

hest şerkerim li dijî wê

wê nas nakim.

Ger ew peyv û hevokên te yê bi navê

makqanûnê ne strana zeviyên genimê welatê min be

ne awaza çem û rûbarên welatê min be

ne aramiya hinavê xaka min be

ez serhildêrim

dilraperînim

hest şerkerim

li dijî wê

wê nas nakim.

Ger ew peyv û hevokên bi navê makqanûnê

li şûna şînê ne gul be li ser rûyê dayê

ger ne dengê şehîd be

ger ne rengê jinê be

ger ne mafê xuhdana însan be

û ne xweşiya demsalên welatê min be

û ew ne çirayên dilê civaka min bin

ez serhildêrim

dilraperînim

hest şerkeim

li dijî wê

wê nas nakim.

Demhat Dêrik

31. 5. 2020

Show More