HELBEST

DEMHAT DÊRIKÎ: Êşek di hinavê min de heye

DEMHAT DÊRIKÎ:

Êşek di hinavê min de heye 

Êşek di hinavê min de heye 

wek çiya bilind 

wek deryayê fireh û kûr 

wek welatê min bê çare, 

ew min dixwe 

min perçe perçe dike 

mirinê li ber çavê min zindî dike 

lê nizanim ev êş çi ye?

gelo xurbet e 

dûriî ye 

hesret e 

yan bê al û text e?

Êşek di hinavê min de heye 

dikim û nakim nizanim ev çi êş e!?

Show More

Babetên peywendîdar

Close